Xalq ta’limi vaziri Baxtiyor Saidov joriy o‘quv yilidan yagona maktab formasi majburiy bo‘lmasligi haqidagi bayonoti to‘g‘risida hukumat qarori qabul qilinishi kutilayotganini ma’lum qildi. «Bu qonuniy tusga ega bo‘lib, hujjatda ham aks etadi», — dedi u.
Xalq ta’limi vaziri Baxtiyor Saidov Andijonda uzr so‘rashga majburlangan o‘qituvchilar bilan uchrashdi. U mazkur holatni «ustoz sha’nini yerga urish» deb baholab, bunga yo‘l qo‘ygan mutasaddilarga chora ko‘rilishini ma’lum qildi. Avvalroq, XTV uzr so‘rash tadbiri tuman hokimligi tashabbusi ekanligini tasdiqlagandi.
Xalq ta’limi vaziri Baxtiyor Saidov uchta viloyatga tashrifdan so‘ng, maktablardagi ahvolni qoniqarli emas deb atadi. «Afsuski, hatto o‘z fani bo‘yicha oddiy savolga ham javobni bilmaydigan o‘qituvchilar bor ekan», — dedi u. U o‘qituvchilar qo‘lida inson taqdiri yotganini aytib, «jonkuyarlik bo‘lmasa nima qiladi bu kasbni tanlab?» degan savolni o‘rtaga tashladi. Vazir ta’lim sifatini yaxshilash uchun katta va ko‘p ishlar qilish kerakligini ma’lum qildi.
Prezident farmoniga asosan, Baxtiyor Saidov xalq ta’limi vaziri lavozimiga tayinlandi. U 2017 yildan beri O‘zbekistonning Xitoydagi elchisi lavozimida faoliyat yuritib kelayotgan edi.
Prezident farmoni bilan 2018 yildan beri xalq ta’limi vaziri sifatida ishlab kelayotgan Sherzod Shermatov AKT vaziri lavozimiga tayinlandi. Uning o‘rniga esa 2017 yildan beri O‘zbekistonning Xitoydagi elchisi lavozimida faoliyat yuritgan Baxtiyor Saidov vazir bo‘ldi.
Qo‘shimcha imkoniyatlarga ega bulish uchun saytda ro‘yxatdan o‘ting